1955 - ci ildə Naxçıvan Muxtar Respublikasının Şərur (İndiki Kəngərli) rayonunun Qıvraq kəndində anadan olmuşdur.
1962 - 1972 - ci illərdə orta təhsil almışdır.
1972 - 1979 - cu illərdə D. Bünyadzadə adına Azərbaycan Xalq Təsərrüfatı İnstitutunda ali təhsil almışdır.
1974 - 1976 - cı illərdə hərbi xidmətdə olmuşdur.
1976 - 1980 - ci illərdə Əli Bayramov adına Bakı İstehsalat Tikiş Birliyində fəhlə, əmtəəşünas, qiymətqoyma üzrə mühəndis-iqtisadçı, baş mühasibin müavini, səlahiyyətli böyük mühasib vəzifələrində çalışmışdır.
1980 - 1993 - cü illərdə Avtonəqliyyat və Şosse Yolları İşçiləri Həmkarlar İttifaqı Respublika Komitəsində müfəttiş-təlimatçı, maliyyə şöbəsinin müdiri, komitə sədri vəzifələrində çalışmışdır.
1993 - cü ilin fevralında Azərbaycan Həmkarlar İttifaqları Konfederasiyasının sədri seçilmişdir və hal-hazıradək bu vəzifəni icra edir.
2006 - cı ildə ATİAHİ Respublika Komitəsinin sədri seçilmişdir.
Azərbaycan Respublikası Prezidentinin 24 noyabr 2005 - ci il tarixli Sərəncamı ilə «Şöhrət» ordeni ilə təltif edilmişdir.
Azərbaycan Əmək və Sosial Münasibətlər Akademiyasının ümumi iqtisad kafedrasının müdiridir.
Bir sıra elmi məqalələrin, dərsliklərin, tədris-metodiki vəsaitlərin müəllifi və iqtisad elmləri doktoru, professordur.
Ailəlidir, üç övladı var.
Hümbət Həsən oğlu Nağıyev - Sədrin I müavini
27 yanvar 1948-ci ildə Bakı şəhərində anadan olmuşdur.
1955-1966-cı illərdə Bakı şəhəri 160 saylı orta məktəbdə təhsil almışdır.
1968-1970-ci illərdə hərbi xidmətdə olmuşdur.
1970-1974-cü illərdə M. F. Axundov adına Azərbaycan Pedaqoji Rus Dili və Ədəbiyyatı İnstitutunda ali təhsil almışdır.
1972-1975-ci illərdə M. F. Axundov adına Azərbaycan Pedaqoji Rus Dili və Ədəbiyyatı İnstitutunda tələbə həmkarlar ittifaqının sədri vəzifəsində çalışmışdır.
1975-1985-ci illərdə AHİŞ-də çalışmış, şöbə müdiri vəzifəsinə qədər yüksəlmişdir.
1982-1985-ci illərdə ÜİHİMŞ-nin N. M. Şvernik adına Ali Həmkarlar İttifaqı Hərəkatı Məktəbinin aspiranturasında təhsil almış və namizədlik dissertasiyası müdafiə etmişdir.
1987-2006-ci illərdə Azərbaycan Dövlət Tibb Universitetində çalışmış, dosent vəzifəsinə qədər yüksəlmişdir, Azərbaycan Respublikasının Əməkdar müəllimidir.
2006-cı ildən ATİAHİ Respublika Komitəsi sədrinin birinci müavini vəzifəsində çalışır.
Ailəlidir, üç övladı var.
Mirzə Həkiməli oğlu Cəfərzadə - Sədr müavini
26 iyun 1952-ci ildə Yardımlı rayonunun Dağüzü kəndində anadan olmuşdur.
1958-1968-ci illərdə Yardımlı rayonu Dağüzü kənd orta məktəbində təhsil almışdır.
1968-1973-cü illərdə Azərbaycan Pedaqoji Xarici Dillər İnstitutunda ali təhsil almışdır.
1973-1975-ci illərdə Biləsuvar rayonunun Konstantinovka kənd orta məktəbində müəllim, Bakı şəhəri 98, 220 saylı orta məktəblərdə direktor müavini vəzifələrində çalışmışdır.
1975-1978-ci illərdə Azərbaycan Pedaqoji Xarici Dillər İnstitutunda laborant, baş laborant vəzifələrində çalışmışdır.
1978-1993-cü illərdə Azərbaycan Pedaqoji Xarici Dillər İnstitutunun tələbə həmkarlar ittifaqı komitəsinin sədri vəzifəsində çalışmışdır.
1993-2006-cı illərdə ATİAHİ Respublika Komitəsində təşkilat şöbəsində müdir müavini və şöbə müdiri vəzifələrində çalışmışdır.
2006-cı ildə ATİAHİ Respublika Komitəsi sədrinin müavini vəzifəsinə seçilmişdir.
