Paşayev Araz Nadir oğlu 4 iyul 1983-cü ildə Şəki şəhərində anadan olub. 2000-ci ildə Şəki şəhəri 8 saylı beynəlmiləl tam orta məktəbini bitirib. 2000-2004-cü illərdə Azərbaycan Dövlət Pedaqoji Universitetinin tarix fakültəsinin bakalavriat səviyyəsi, 2007-2009-cu illərdə Bakı Dövlət Universitetinin tarix fakültəsinin magistratura səviyyəsi üzrə və 2011-2014-cü illərdə Azərbaycan Respublikasının Prezidenti yanında Dövlət İdarəçilik Akademiyasında hüquqşünaslıq ixtisası üzrə təhsil alıb. 2022-ci ildən Bakı Dövlət Universitetinin Əmək və Ekologiya hüququ kafedrasında əmək hüququ ixtisası üzrə doktorantura təhsili alır. 

Əmək fəaliyyətinə 2006-cı ildə başlayıb, indiyədək müxtəlif yerli və beynəlxalq təşkilatlarda rəhbər vəzifələrdə çalışıb. 12.07.2021-ci ildən tarixdən Elm və Təhsil Nazirliyinin tabeliyində Təhsil Tələbə Krediti Fondunun İdarə Heyətinin sədri vəzifəsində çalışmışdır. 22.08.2024-cü il tarixdə Azərbaycan Təhsil İşçiləri Azad Həmkarlar İttifaqının sədri vəzifəsinə seçilmişdir.

A.Paşayev əmək fəaliyyəti ilə yanaşı pedaqoji fəaliyyət ilə də məşğul olub. 2007-2012-ci illərdə Azərbaycan Dövlət İqtisad Universitetində “İnsan resurslarının idarə olunması və korporativ mədəniyyət”, 2011-2012-ci illərdə Azərbaycan Respublikasının Prezidenti yanında Dövlət İdarəçilik Akademiyasında magistrlər üçün “İnsan resurslarının idarə olunması” fənlərini tədris edib. Hal-hazırda, Azərbaycan Əmək və Sosial Münasibətlər Akademiyasında Əmək və sosial təminat hüququ fənnini tədris edir. A.Paşayev yerli və bir sıra beynəlxalq maliyyə institutları tərəfindən maliyyələşən layihələrdə potensial quruculuğu və institusional inkişaf üzrə ekspert qismində iştirak edib. 

Ailəlidir, 2 övladı var. 

Abdullayev Tehranağa Sadıq oğlu 05 mart 1975-ci ildə Lənkəran şəhərində anadan olub. 1991-ci ildə orta məktəbi bitirmiş və  Azərbaycan Dövlət İqtisad Universitetinin Kommersiya və Beynəlxalq İqtisadi Münasibətlər fakültəsində təhsil almışdır. Azərbaycan Respublikasının Nazirlər Kabineti yanında Xalq Təsərrüfatını İdarəetmə İnstitutunun Kompüter Tədris Mərkəzində Kompüter texnologiyasının əsaslarına, həmçinin, ISO 9001:2015 keyfiyyəti idarəetmə sistemi üzrə beynəlxalq sertifikata yiyələnmişdir.

 
Əmək fəaliyyəti dövründə Azərbaycan Respublikası Dövlət Sosial Müdafiə Fondunda, Azərbaycan Respublikası Əmək və Əhalinin Sosial Müdafiəsi Nazirliyində və Azərbaycan Respublikası Elm və Təhsil Nazirliyində müxtəlif rəhbər vəzifələrdə, 28 avqust 2024-cü ildən Azərbaycan Təhsil İşçiləri Azad Həmkarlar İttifaqı Respublika Komitəsində şöbə müdiri və katib vəzifələrində çalışmışdır. 07 noyabr 2024-cü ildə Azərbaycan Təhsil İşçiləri Azad Həmkarlar İttifaqı Respublika Komitəsi Məclisinin qərarı ilə sədrin birinci müavini vəzifəsinə seçilmişdir.

Ailəlidir, 2 övladı var.

Kərimova Turanə Nahid qızı 29 dekabr 1979-cu ildə Bakı şəhərində anadan olub. 1996- ci ildə Bakı şəhəri 6 nömrəli tam orta məktəbi bitirib. 1996-2001-ci illərdə Rusiya Federasiyasının Dağıstan Dövlət Universitetinin hüquq fakültəsində təhsil alıb. 

Əmək fəaliyyətinə 2001-ci ildən Nərimanov rayon məhkəməsində məhkəmə katibi kimi başlayıb və 2011-ci ilədək baş məsləhətçi və dəftərxana müdiri vəzifələrdə çalışıb, 2004-cü ildə 3-cü dərəcə Dövlət Qulluqçusu ixtisas dərəcəsi verilmişdir. 2011-2015-ci illərdə bir necə şirkətdə İnsan Resursları şöbəsinin müdiri vəzifəsində, 2017-2021-ci illərdə Azərbaycan Respublikası Təhsil Nazirliyinin Aparatında böyük məsləhətçi vəzifəsində, 2021-2024-ci illərdə Azərbaycan Respublikası Təhsil Nazirliyinin tabeliyində olan Təhsil Tələbə Krediti Fondunda Təhsil müəssisələri ilə iş şöbəsinin müdiri vəzifəsində çalışmışdır. 07 noyabr 2024-cü ildə Azərbaycan Təhsil İşçiləri Azad Həmkarlar İttifaqı Respublika Komitəsi Məclisinin qərarı ilə sədr müavini vəzifəsinə seçilmişdir. 

Ailəlidir, 3 övladı var.

Cəfərzadə Mirzə Həkməli oğlu 26 iyun 1952-ci ildə Yardımlı rayonunun Dağüzü kəndində anadan olub. 1968-ci illərdə Yardımlı rayonu Dağüzü kənd orta məktəbi bitirib. 1968-1973-cü illərdə Azərbaycan Pedaqoji Xarici Dillər İnstitutunda ali təhsil alıb. 

1973-1975-ci illərdə Biləsuvar rayonunun Konstantinovka kənd orta məktəbində müəllim və Bakı şəhəri 98, 220 saylı orta məktəblərdə direktor müavini, 1975-1978-ci illərdə Azərbaycan Pedaqoji Xarici Dillər İnstitutunda laborant, baş laborant, 1978-1993-cü illərdə Azərbaycan Pedaqoji Xarici Dillər İnstitutunun tələbə həmkarlar ittifaqı komitəsinin sədri vəzifəsində çalışmışdır.

1993-2006-cı illərdə ATİAHİ Respublika Komitəsində təşkilat şöbəsində müdir müavini və şöbə müdiri vəzifələrində çalışmışdır.

2006-cı ildə ATİAHİ Respublika Komitəsi sədrinin müavini vəzifəsinə seçilmişdir.

Ailəlidir, iki övladı var.